Imagen de Free-Photos en Pixabay
IRAGANAren ametsa
Urrutira noa, maitea
gure ametsak egi bihurtzeko
egunsentia bilatzera.
Urrutira noa, maitea
merezi duzun guztia
zuregana ekartzera.
Urrutira noa, maitea
arrosa gorri ederrez
gure etxea apaintzera.
Urrutira noa, maitea
guera izango den bizitza
egi bihurtzera.
ORAINAren egia
Zeruak bidali dit
izugarrizko ekaitza
ametsetik esnatu nauen
bakardade latza.
Beharren etsipenak
erantzi dit bizitza
gure ametsak lurperatzeak
ere bihotzeko heriotza.
Zainetan darabilkidana
ez da odola baizik hotza
ez nuen espero jasotzea
kolpe lar bortitza.
ETORKIZUNAren esperantza
Etorkizuna, bizitzeko nahia
zure irria oroimenean.
Iluntasunean pizten den argia,
zure begirada sentitzean.
Esperantzaren garaia
zure hitzak entzutean
Astiro sentsazio betegarria
uso zuriaren hegaletan.
Errautsak eraman ditu euriak
azkenik naiz zure argitasunaren bidean.
Eskuak hutsik, ezerezetik atera berria.
Baina behingoz zuregana.
Orain baita gure ametsak berreraikitzeko aldia.
Comentarios